فتاوي يتحدى بروسلي

حكاوي الأستاذ غاوي فتاوي

حوارات باللغة المصرية العامية بطلها الأستاذ غاوي فتاوي الذي يهوى التدخل في الطب
تتناول المعتقدات الخاطئة عن أمراض الروماتيزم يليها مقال تثقيفي لتصحيح هذه المعلومات

في هذا العدد: حقائق عن هشاشة العظام
هشاشة العظام ليس لها أعراض
تحليل مستوى نسبة الكالسيوم في الدم لا يستخدم للكشف عن هشاشة العظام

أنهى الأستاذ فتاوي المكالمة التليفونية القصيرة ثم إتجه إلى حجرته ببطء وبدأ يرتدى ملابسه إستعداداً للخروج. دخلت زوجته الحجرة وقد تعجبت وإرتابت في نفس الوقت فميعاد نزول زوجها إلى القهوة لم يحن بعد

على فين العزم كده بدري يا بو أشرف، ومين ده يا خويا اللي كان بيكلمك في التليفون؟

الست زهرة

عندي مشوار مهم قبل القهوة

الأستاذ فتاوي

(وقد لاحظت أن زوجها يحني ظهره بصعوبة ليرتدي الحذاء) مالك يا خويا..فيه حاجة وجعاك؟

الست زهرة

ضهري رجع ينقح علي من تاني

الأستاذ فتاوي

تقلص في العضلات من تاني

الست زهرة

تقلص إيه يا شيخة ، دي هشاشة أنا عارف من الأول

الأستاذ فتاوي

مش كان هشام إبن أختي قال لك تقلص في العضلات ووصفلك دوا

الست زهرة

وهو هشام ده يفهم إيه، ده حيا الله طالب في كلية الطب ، ما عندوش لسه خبرة ، ما شفش أد ما إحنا شفنا

الأستاذ فتاوي

وإيش عرفك بقى إنها هشاشة يا أستاذ خبرة

الست زهرة

أنا كنت عامل تحليل الكالسيوم المرة اللي فاتت وكان أبو أشرف قال لي إنه تقريباً منخفض سنة (ثم جلس وقد بدت على وجهه علامات الحزن والأسى وهو ينظر إلى صورته من أيام الكلية المعلقة على الحائط والتي كان يحمل فيها شهادة تقدير لمشاركته في بطولة المصارعة اليابانية) هيييه …كانت أيام  (ثم بدأ يتذكر بصوت عالي إنجازاته وبطولاته أو بمعنى أصح أحلامه التي لم تتحقق في المصارعة والتي طالما رددها لزوجته على مدى السنوات) ده أنا كنت خلاص داخل على بطولة الجمهورية ، ده أنا كنت أمشي في الحتة الناس تتطلع تجري، ده كنت قررت أتحدي بروسلي في المصارعة وكنت هاسافرله أمريكا خلاص لولا إنه عملها وإتكل ، الدكاترة بيأكدوا إنها كانت حالة نفسية ، أكيد جت له لما عرف إن أنا بأتحداه ، ده أنا …

الأستاذ فتاوي

خلاص يا خويا ما تعملش في نفسك كده ، هتبقى زي الفل إن شاء الله وترجع تلعب مصارعة مع ولاد الجدع بسلو اللي إنت بتقول عليه ده، إنما الهشاشة دي جت لك منين يا خويا ، ده إنت ما شاء الله محافظ على نفسك خالص، أمال إحنا بقى يجيلنا إيه لما إنت يجيلك هشاشة؟

الست زهرة

ما هو الأر بتاعك ده هو اللي جبني الأرض

الأستاذ فتاوي  (بغضب)

ما أقصدش والله ، بس نفسي أعرف ، جت لك منين ، يكونش يا خويا من البقسماط الكتير اللي إنت بتاكلوا ، يكون العضم بتاعك إتعدى منها

الست زهرة

إيه التخلف اللي إنتي فيه ده؟ إنتي بتجيبي الأفكار دي منين؟ ده من نقص الكالسيوم بسبب الأكل الغريب اللي سيادتك بتأكليهولنا بقى لك ثلاثين سنة

الأستاذ فتاوي

كده يا فتاوي؟ يعني أنا السبب برضه؟ كل حاجة تجيبها علي؟

الست زهرة

بقولك إيه…أنا مش فاضي للكلام ده. لازم أروح فوراً علشان أعمل تحليل كالسيوم جديد…عن إذنك

الأستاذ فتاوي

حقائق عن هشاشة العظام

 عظامك هي القوائم التي يقوم عليها جسمك. هشاشة العظام هي ضعف هذه القوائم بحيث تكون عرضة للكسر

هشاشة العظام ليس لها أعراض ولكن لها مضاعفات (وهى حدوث كسر): هشاشة العظام ليس لها أعراض ولا تتسبب  في حدوث أي آلام بالعظام والعرف السائد أن الآلام التي قد يشعر بها المريض قد يكون سببها هشاشة العظام ليس لها أي أساس من الصحة. فهشاشة العظام مرض كامن تماماً كما تسكن في منزل آيل للسقوط فالمبنى لا يشكو أي لا يهتز مثلاً أو يحذرك بأي علامات وإنما يوماً ما سيسقط فجأة. مايحدث في مرض هشاشة العظام هو أن المريض إثر وقوعه على الأرض مثلاً لأي سبب سيكون أكثر عرضة للإصابة بكسر في العظام (وبخاصة عظام الفخذ والظهر والرسغ) من أقرانه الغير مصابين بهشاشة العظام.

كيفية الكشف عن هشاشة العظام تكون عن طريق إجراء “اختبار كثافة العظام ” وهو نوع من أنواع الأشعة العادية . تحليل مستوى نسبة الكالسيوم في الدم لا يستخدم للكشف عن هشاشة العظام واعتقاد الكثير من المرضى وبعض من الأطباء الغير متخصصين أن هذا التحليل يكشف عن وجود هشاشة العظام اعتقاد خاطيء

 

Leave a Reply